Recent Comments

No comments to show.

ول سمیڈ کے 99 رنز رائیگاں! سینچری نہ بنا سکے، پشاور زلمی کی بہترین بولنگ کوئٹہ گلیڈیٹرز کو شکت دے دی

پاکستان سپر لیگ (پی ایس ایل) کے 22ویں میچ میں پشاور زلمی نے کوئٹہ گلیڈی ایٹرز کو 24 رنز سے شکست دے دی۔

لاہور کے قذافی اسٹیڈیم میں کھیلے جانے والے اس میچ میں پشاور زلمی نے ٹاس جیت کر پہلے بیٹنگ کرنے کا فیصلہ کیا تھا۔

پشاور نے کوئٹہ کو جیت کے لیے 186 رنز کا ہدف دیا جس کے تعاقب میں گلیڈی ایٹریز صرف 161 رنز ہی بناسکے جہاں ول اسمیڈ نے 99 رنز کی شاندار اننگز کھیلی۔

اس سے قبل ابتدا میں ہی 2 وکٹیں گنوانے کے بعد تجربہ کار شعیب ملک اور نوجوان محمد حارث نے اپنی ٹیم کو سنبھالا اور 52 رنز کی شراکت بنا کر زلمی کو مشکلات سے نکالا۔

حارث 28 رنز بنانے کے بعد آؤٹ ہوئے لیکن شعیب ملک نے ذمہ دارانہ بیٹنگ جاری رکھی اور حسین طلعت کے ساتھ 73 رنز کی شراکت بنائی اور 131 کے مجموعے پر 58 رنز بنا کر آؤٹ ہوگئے۔

اس کے بعد حسین طلعت کا ساتھ نبھایا بین کٹنگ نے جنہوں نے 14 گیندوں پر 36 رنز کی دھواں دار اننگز کھیلی۔ انہوں نے سہیل تنویر کو ایک ہی اوور میں 4 چھکے بھی لگائے تھے۔

بین کٹنگ اور 51 رنز بنانے والے حسین طلعت آخری اوور میں آؤٹ ہوئے جبکہ اننگز کے اختتام پر پشاور کی ٹیم 185 رنز بناسکی۔

کوئٹہ گلیڈی ایٹرز کی جانب سے ایک مرتبہ پھر نسیم شاہ کامیاب بولر ٹھہرے جنہوں نے 4 اوور کے کوٹہ میں 27 رنز دے کر 4 وکٹیں لیں۔

ان کے علاوہ خرم شہزاد، غلام مدثر اور افتخار احمد نے ایک ایک وکٹ لی۔

ایونٹ کے گزشتہ میچ میں پشاور زلمی نے کوئٹہ گلیڈی ایٹرز کو 5 وکٹوں سے شکست دی تھی۔

پشاور زلمی اور کوئٹہ گلیڈی ایٹرز کے 7، 7 میچز میں 6، 6 پوائنٹس ہیں، تاہم اس میچ کی فاتح ٹیم 8 پوائنٹس کے ساتھ چوتھی پوزیشن مستحکم کرلے گی۔

50% LikesVS
50% Dislikes